餐廳整潔企理, 部份大檯有屏障阻隔, 幾有私隱度。
可能新開張關係, 食物選擇唔算多, 串燒、小食、主食、幾款刺身, 樣樣有d。暫時未有drinks list, 暫只提供罐裝汽水。
雖然刺身款式少, 但極欣賞厚切, 而且份量多, 超滿足!
三文魚刺身: 新鮮、厚切有魚香, 魚質不是煤煤的那種
油甘魚刺身: 魚味濃郁細膩, 同樣厚切, 口感幾有彈性。
蟹膏甲羅燒: 蟹膏為常溫, 加入了大量蟹籽, 配上脆片, 伴上蟹膏入口, 平衡到濃郁嘅鹹香鮮味, 而蟹籽令口感更為豐富有層次。
雞軟骨: 炸得香脆不油, 每粒沒有多餘嘅肉連帶, 香脆嘅外層加上內裡爽脆, 點上沙律醬食, 味道提升, 忍不住一口接一口。
炸軟殼蟹: 同樣為炸物, 酥脆不油, 軟殼薄脆, 配沙律醬食, 香口惹味。
椒鹽粟米: 原本意為係傳統加淮鹽作調味, 但原來係以炸蒜同埋辣椒粒炒起, 粟米切件, 每口都香辣惹味, 愛辣嘅我都覺得辣得近乎噴火。
厚切牛舌心: 估唔到$68有兩串嘅份量, 好抵食! 表面平均沾上薄薄甜醬汁, 牛舌心厚切爽口, 內裡keep到粉嫩, 火喉掌握得不錯! 但每串都有一件較煙韌, 如果切返細件少少可能會避免到。
焦糖菠蘿: 厚切菠蘿, 香甜多汁, 面層有層焦糖薄脆, 當作飯後甜品一流!
