Burgerman (埃華街) (已結業)

之前有时会经过深水埗分店，加上见食评都话呢间餐厅嘅汉堡水准唔错，都心思思想试好耐。咁啱今日去开奥运𠮶头，就决定试一试大角咀呢间分店嘅汉堡包。餐厅铺位唔大，位置亦唔算多，繁忙时段可能会有啲逼。店员服务都算唔错，有时会主动同客人介绍下menu。-和牛汉堡套餐加20蚊可升级至套餐，可以拣薯条/薯格/田园沙律+罐装汽水。身为薯格迷嘅我毫不犹豫地拣咗薯格，炸得好脆，热辣辣又够酥香。和牛汉堡都颇足料，芝士呈半溶状，紧贴和牛，香浓味道更胜一筹。和牛质感腍滑，如果牛味再突出点会更理想。特别想提汉堡包嘅口感，咬落外脆内软，唔会被馅料完全盖过风头。-鹿儿岛豚肉汉堡豚肉汉堡味道都唔错，车打芝士配鹿儿岛豚肉，香嫩但唔会太油腻。加上厚切蕃茄，更有解腻清爽嘅感觉。