樂天皇朝 (雅蘭中心)

营业中

休息中

今日同朋友去旺角行街🛍，經過《樂天皇朝》見到啲師傅即場製作小籠包好吸引，新鮮又即製，所以就入去幫襯一下。黑松露小龍包= 見到有八式小籠包，味道有太多選擇，心大心細，最後都係試吓新嘢，一籠有六隻，松露味濃而不俗氣，加上湯汁滿瀉，皮薄又有口感，好好味👍🏻。上海炒年糕= 平日食年糕通常食甜嘅比較多，而今次用炒嘅形式，年糕原來可以咁軟熟 ，上海既炒法會加入埋肉和一堆蔬菜當配菜，飽肚又好食😋！蝦仁酸辣湯= 材料有豬肉絲、木耳、豆腐、蝦仁等等，都幾足料，酸酸辣辣食慾大增，雖然冇得點少辣，但辣度都可以接受！紅油抄手=餡料味道和原味小籠包嘅味道一樣，同樣鮮甜，沾上特製辣醬汁，好惹味👍🏻！