漫花燈火OMG (已結業)

同男朋友諗食咩，大家都好耐冇食西式，就諗到九龍城道個間BOOKMARK好耐既漫花燈火OMG 啦!坐得舒服又可以談下心，燈光環境都幾有感覺，好適合慢慢談下心。📍椰菜花西蘭花薯仔沙律配自家製鹹蛋黃醬整體椰菜花西蘭花好清新，薯仔沙律口感豐富有層次，加埋鹹蛋黃醬口感幾好！📍西班牙伊比利亞辣肉腸白酒忌廉煮藍青口配牛油多士西班牙伊比利亞辣肉腸帶出既微辣，開胃好味!  口感味道豐富，超級好食，強烈推介此藍青口! 牛油多士Sure Win! 📍慢煮比利時杜洛克橄欖豬鞍伴脆甜番薯條食完甜番薯條都真係幾飽，橄欖豬鞍好味到不得了呀，肉質亦很嫩，但仍需要咀嚼一會！📍自家製鰹魚南瓜濃湯配特式法國奶油甜包湯夠creamy 南瓜味好濃郁，的確係神級湯底，再配有法國奶油甜包，一啖一湯真係Perfect Match總括黎講，我認為依間餐廳都值得黎試下既。因為佢其實鋪頭裝潢都華麗既，加上美食選擇多，算係拍拖食飯好地方。