平和拉麵 (已結業)

一起身，屋企人話想食拉麵，仲去左拉麵關注組搵資料。見到尖沙咀有新拉麵店，即刻去試下。餐廳唔算太難搵，不過係街尾，行到最盡。係小店一間，乾乾淨淨，全部坐bar檯，我地2:00左右到，人數唔多。拉麵選擇唔多，共三種，有一種售罄。咁尊業既拉麵店都係一兩種選擇既。拉麵可選擇麵條軟硬度，和湯底濃味道。本人選了平和黑蒜油味噌拉麵，我選了軟麵，不過唔覺麵質偏軟。湯味濃郁，不過好似掛唔到落麵。所以麵質不夠濃味。兩塊叉燒感覺普通，唯獨流心蛋很出色，中間流心，而且帶甜味。另外叫咗一客餃子，味道OK。坐吧枱，一直望住師傅炮製拉麵，感覺衛生，有條理。我哋三個人叫三客拉麵，師傅煮完一碗，先開始煮下一碗，變咗要等好耐，如果成間餐廳都滿客人，唔知會唔會有多一個師傅出嚟幫手。總括，味道有進步空間，職員有禮貌，加油。