Greyhound Café (MOKO新世紀廣場) (已結業)

即興約左朋友星期6食晚餐，旺角地方一定好難搵位，去左新世紀行左轉，依間條龍比較慢，就排隊啦，2個人等左20分鐘到就有位，其實間餐廳都好大，怪不得唔使等好耐。泰式青木瓜沙律，好酸，唔係人人食到，但等自己就愈酸愈鐘意啦，好醒胃。鮮蝦雞肉米紙卷一到，友人已經覺得賣相麻麻，食落米紙好厚，不過蝦就好彈牙。豬肉生菜包，炸到豬肉粒好香口，好熱氣，包生菜食感覺冇咁油膩。香蒜煙肉意粉，比較辣，辣得太刺激。另外，飲品，綠色係百香果+青檸，又酸又甜。粉紅色係士多啤梨+蘋果+青檸，其實好似蘋果汁冰沙。