蝦蝦燒 (已結業)

今次同朋友去食大頭蝦放題～～仲可以望住個水缸夾啲生猛大頭蝦上嚟燒，享受新鮮嘅滋味～蝦肉彈牙加少少鹽已夠鮮味～除咗食自己燒嘅大頭蝦，仲有好多熱食可以食住等，辣炒東風螺夠辣惹味～炸物都唔錯～仲有醉蝦，肉質爽彈～蒜爆蝦炸得酥脆，有咬口～～燒海鮮可以自取，扇貝、生蠔，可以加蒜蓉，粉絲同大量調味料去自行調配啱自己嘅味道～食材都幾高質～每人一份白鱔可以燒，外皮香脆，肉質爽嫩，正～有好多款不同味道嘅雞翼、扒、腸仔同瓜可以拎嚟燒，燒爐有分上下格，唔使擺滿有排燒～～飲品有唔少汽水選擇～