So Doughlicious (已結業)

今日陪友人行葵廣，當然唔少得掃街呢一部份🍩Mini Doughnut $148/6 PCs-榛子朱古力、伯爵茶、咖啡、吉士、檸檬、藍莓、士多啤梨一共七款味道任選 外層沾滿糖霜及糖粉 內層則爆漿 小冬甩微脆內軟熟 個人比較鍾意吉士果種似奶黃餡料嘅味道 伯爵茶茶醇不膩 🥪手撕豬肉三文治 $60-豬肉撕成一條條 燒到微微焦脆 麵包係脆皮包 再加上生菜 蕃茄 及 千島沙律醬 味道相當唔錯 足料巨型🥔一口薯仔波 $20/5PCs-薯波入面係滿滿嘅薯仔粒 同食薯餅嘅感覺無差🍞蒜蓉包 $15-蒜蓉牛油夠香濃 包烘得夠脆總括嚟講，味道唔錯，可以一試！