更多
2016-11-23
233 浏览
6點幾收工同個FD去咗尖沙咀,見到一壽司半價早咗開始,好彩人龍又唔係好長,唔洗點等位,就入咗去坐迴轉位食!坐迴轉位最好就係唔洗等食,即攞即食,而迴轉壽司亦比想像中好,壽司唔似放太耐,尚算新鮮。另外點咗特上刺身盛,有三文魚、白吞拿魚、北寄貝、帆立貝、甜蝦等7款刺身,半價咗1舊水都唔洗。刺身無雪味,白吞拿魚入口帶點韌韌地嘅味道幾特別。三文魚同帆立貝都好肥美,啖啖肉。除外刺身之外,自己就比較鍾意食卷物。叫咗2款期間限定推介壽司,雖然無做半價,但味道好好。最驚喜係北海道海膽壽司,非常鮮甜,無腥味。島池魚壽司亦算肥美,可以一試。
张贴