千海水產海鮮火鍋放題

营业中

休息中

即撈海鮮火鍋放題店！除了海鮮、火鍋、熟食、甜品、水果，都有得吃餐廳有個類似海鮮檔嘅位，各款生猛海鮮俾你任撈，淨係蟹都已經有四款：青蟹、白蟹、花蟹、三點蟹，蝦有我最鍾意嘅大頭蝦，肉質爽彈又多膏，貝殼類就有鮑魚、花螺、沙白、大蜆等，撈完仲會有專人幫你清洗乾淨，食得安心。除咗主打嘅海鮮，仲有多款火鍋料，澳洲M5和牛、生蠔、毛肚、脆肉鯇等，一啲平時少見嘅，好似田雞、雞子、響螺片等等都可以試吓。熟食方面有乳鴿、羊胺同鵝肝多士！即叫即燒，每次加單都係熱辣辣。飲品主打有清酒、啤酒、椰青水，連珍珠奶茶都有。甜品更加足足有2大個雪櫃，泡芙、芝士蛋糕、Tiramisu、豆腐花，應有盡有，雪糕就有Häagen-Dazs同MÖVENPICK兩大牌子。