野田珈琲生豆專門店 + 焙煎 (已結業)

黎到圍方，最想試既，就係野田咖啡😊。第一次黎嘅時候，多人到排到鋪出面。今次第二次黎，好好彩明顯少人，仲可以係店內參觀下。⭐️橙汁咖啡本身想叫齋啡，但見到橙汁咖啡，又突然想飲啲甜嘢，就試一試。其實飲落，都真係幾橙汁🙈，都可以話係無咩咖啡味。對於咖啡迷，我諗唔會好鐘意。但對於一般無飲開咖啡嘅人，可能會覺得易入口，同都幾得意，好似飲緊果汁咁。鋪頭另外設有堂食，可以俾大家食下蛋糕雪糕啊咁。我最欣賞，佢有一面牆，放滿左好靚嘅陶瓷杯碟，美觀之餘，睇啱又可以買走😊。不過因為好多人喺前面等咖啡，就冇辦法影到相🥲。另外舖頭仲有好多生豆，你可以買生豆返屋企自己烘焙，或者叫舖頭即場幫你烘焙都得。呢啲位都好加分！❤️