影片
更多
2022-01-12
2013 浏览
餐廳：樂意點心 (尖沙咀)地址：尖沙咀漢口道19-21號地舖平日下晝4點幾行經尖沙咀漢口道，見到有唔少人喺呢間樂意點心 @logyedimsum 外面排隊，相信因為依家六點後無得堂食，大家都爭取可以堂食嘅時間提早食晚飯，而我都忍唔住同人爭埋一份，排隊試吓呢間點心店，睇吓究竟點解咁多人排隊去食🤔喺門口排隊已經見到佢哋做緊秋日優惠🎉，下午茶時間三點到六點有88折優惠同免茶錢，仲免收加一服務費🤣，對比起一般酒樓嚟講呢到已經平咗幾十蚊，加上佢哋嘅手工點心都係即叫即整，每樣嘢食都喺新鮮出爐，所以慢工出細貨喺理解嘅餐廳唔算大，不過都有幾張長卡位，唔少人都係一個人嚟食，睇睇餐牌原來佢哋有個絕配套餐，$68就有一個蒸飯、一個燉湯/湯餃，仲可以以每款$10加配最多兩款點心/小食飲品，咁抵難怪咁多人爭住幫襯啦🤪，我都唔執輸叫嚟試吓先✝️絕配套餐 $68籠仔蒜蓉海蝦飯(+$12)用咗蒸籠同荷葉去蒸，一打開就聞到好香嘅蒜蓉同荷葉香🧄，有四隻開咗殼嘅大海蝦🦐，因為用蒜蓉蒸嘅關係一啲腥味都無，幾有特色；雲腿雞腳燉花膠(+$10)超級足料，成碗都喺滋補嘅材料，花膠、雞腳、瘦肉、杞子、蟲草花……最重要喺無加味精，飲落好
地址：尖沙咀漢口道19-21號地舖
平日下晝4點幾行經尖沙咀漢口道，見到有唔少人喺呢間樂意點心 @logyedimsum 外面排隊，相信因為依家六點後無得堂食，大家都爭取可以堂食嘅時間提早食晚飯，而我都忍唔住同人爭埋一份，排隊試吓呢間點心店，睇吓究竟點解咁多人排隊去食🤔
喺門口排隊已經見到佢哋做緊秋日優惠🎉，下午茶時間三點到六點有88折優惠同免茶錢，仲免收加一服務費🤣，對比起一般酒樓嚟講呢到已經平咗幾十蚊，加上佢哋嘅手工點心都係即叫即整，每樣嘢食都喺新鮮出爐，所以慢工出細貨喺理解嘅
餐廳唔算大，不過都有幾張長卡位，唔少人都係一個人嚟食，睇睇餐牌原來佢哋有個絕配套餐，$68就有一個蒸飯、一個燉湯/湯餃，仲可以以每款$10加配最多兩款點心/小食飲品，咁抵難怪咁多人爭住幫襯啦🤪，我都唔執輸叫嚟試吓先
✝️絕配套餐 $68
籠仔蒜蓉海蝦飯(+$12)用咗蒸籠同荷葉去蒸，一打開就聞到好香嘅蒜蓉同荷葉香🧄，
有四隻開咗殼嘅大海蝦🦐，因為用蒜蓉蒸嘅關係一啲腥味都無，幾有特色；
雲腿雞腳燉花膠(+$10)超級足料，成碗都喺滋補嘅材料，
花膠、雞腳、瘦肉、杞子、蟲草花……最重要喺無加味精，飲落好鮮甜；
另外加配咗鮮竹牛肉球(+$10)同
白灼菜心(+$10)，加咗香蔥喺入面嘅牛肉球$10兩大球嚟講都算幾抵食，食落爽口又夠滑，如果多啲鮮竹就正😎
✝️珍寶帶子腸粉 $42
一碟有五件腸粉，腸粉嫩滑，
每件腸粉入面都有一粒珍寶帶子，相對比較清甜新鮮，出面都比較少見，但個人覺得都喺傳統叉燒腸/鮮蝦腸果啲較為吸引惹味🙈
✝️楊枝甘露 $23
用柚子、芒果🥭、西米加入花奶等整成嘅楊枝甘露喺一款傳統港式甜品，相信陪住唔少香港人長大🇭🇰。雖然芒果肉唔太多，但係飲落好香甜，絕對唔喺加咗好多糖水或者得死甜嘅味道👍，粒粒西米同柚子帶嚟豐富嘅口感，做飯後甜品就最適合不過😋
✝️椰汁桂花糕 $20
一碟有三件，食落唔會好甜膩，有陣陣桂花同椰汁香，兩者嘅味道balance得幾好，食完餐飯再食呢個椰汁桂花糕清清喉嚨相當唔錯😌
张贴
