銀津點心茶餐廳

营业中

休息中

今日放工到旺角美容中心做療程，做完已經差不多8點，肚子非常餓，於是近近地行去先達附近搵食。記得之前食過一間不錯的點心專門店，一於再去回味一下先。一坐低二話不說已經劃了好幾款點心，因為實在太肚餓了，而且即叫即蒸，所以先劃上二人餐，之後再慢慢揀其他食物。鱆魚香菇肉餅飯肉餅食落鮮嫩彈牙，鱆魚香菇香味俱全，入口鮮味，加上少少甜豉油拌勻蒸飯，堅正！蟹籽燒賣皇蝦肉爽口彈牙，豬肉鮮甜多汁，新鮮熱辣食最正！瑤柱鮮蝦菜苗餃皮薄多汁，外皮通透，餡料鮮甜美味，菜肉比例剛剛好。春風得意腸腸粉包住炸春捲，外皮米香滑溜，春捲香脆美味，配搭一流。銀津蝦餃皇蝦肉新鮮爽彈，粒粒外型飽滿，入口鮮甜美味，堅正！名醬蒸鳳爪醬汁香濃惹味，鳳爪軟嫩鮮甜，飲茶必食！奶黃流沙西多士西多炸到金黃酥脆，一切開爆漿而出，咸蛋味香濃突出，不太甜，配上西多，味道非常之夾。蓮蓉西米焗布甸舊式甜品，而家好少地方可以食到，上層外皮有咬口，內裏奶黃西米布甸creamy香甜 ，蓮蓉饀不太甜，好好食，而且份量超多。