火鳳凰火鍋料理 (已結業)

平時好鍾意食點心😋喺何文田太平道新開咗一間「火鳳凰火鍋料理 」，晚市供應火鍋🍲而早午時段就供應港式手工點心～全部都係餐館本身嘅點心師傅用心之作，即叫即蒸。新開張有優惠，而家早茶/午市點心時段，全單八八折呀！裝潢好雅致～坐喺窗邊大卡位，可以好舒服坐低慢慢嘆茶🫖&點心。點咗人蔘烏龍茶～入口好甘香。午市主打多款港式點心同炒粉麵飯💗我就點咗幾款點心都有特色，無論造型丶賣相同口味都好合我心意😋🔶叉燒腸粉$38雖然叉燒腸粉係好經典嘅傳統點心，但係嚟到都幾有驚喜 ！賣相靚～叉燒餡料好足～仲有少少油菜伴碟，粉皮滑溜順口，晶凝通透。🔶安蝦咸水角 $28一客有三件，外型似一隻隻啤梨，將傳統款式嘅咸水角升級咗🥳賣相靚！即刻相機食先。入口外皮香脆煙韌，餡料充滿咸香。🔶雪山叉燒包 $42一客三件，即叫即焗嘅，預咗要等少少時間💗上枱時熱騰騰，一咬之下，鬆脆嘅外皮與爆槳內餡令人難忘！餡料足，叉燒醬汁鹹甜適中，趁熱食，好滋味。🔶榴槤酥$56一客三件，擺盤都靚🥳外皮十分酥脆，裏面包著幼滑香甜嘅榴槤內餡，甜而不膩，邪惡又好味。