點心友 (已結業)

當日我女朋友突然話想食點心，我就上Open Rice睇下屯門邊度有點心食，發現“點心友”嘅食評都唔錯，我哋就去試試，可能我哋1200前就到，所以等咗5分鐘就有位，餐廳可能細，所以座位比較窄，但我哋一坐低就即刻有人招呼，服務都ok喎，可能我哋太肚餓，所以2個人點了5個點心，起初以為即叫即蒸會等好耐，但好快已離齊所有點心！1,牛肉腸粉:一條過嘅腸粉夠特別，粉皮唔算太厚，好好味！2,燒賣:夠大粒，有口感，正！3,叉燒包:好大個又冇乜肥肉，好食！4,雞札:腐皮夠薄又足料！5,鳳爪:好大隻，唔太咸又唔算太辣！