炭火地雞 (已結業)

炭火地雞係中環九如坊開咗分店，橫街小巷中嘅一間日式串燒店，店內採用備長炭燒，有齊各款特色串燒。免治雞肉棒| $38造型超可愛，雞肉棒仲附上月見，入口肉質嫩滑，值得一讚。味醂魚乾|$48居酒屋必點系列，微暖嘅味醂魚乾，點上沙律醬一齊食，送酒一流。明太子燒淮山|$32好特別嘅一款串燒，淮山燒得爽口，燒得透熟，加上特別嘅明太子醬鋪滿淮山，好食。甘口嘉美雞全翼|$48雞全翼燒得外皮金黃好香脆，而內裏雞肉都仍然保持肉汁，一人一隻大滿足。親子丼|$58親子丼，仲附上一碗日式湯，親子丼雞肉同埋蛋嘅比例做得好好，唔使再特別落調味料都已經好好食。豚肉鵪鶉蛋卷|$38鵪鶉蛋，蛋味香濃，豚肉包住鵪鶉蛋令到鵪鶉蛋吸滿咗豚肉汁，好味嘅呢。牛舌蔥卷(附月見)|$48牛舌爽口再加上有蔥卷成細細卷，賣相精緻，沾上月見汁，更加可口。煙燻雞火腿他他|$88煙燻雞火腿他他同埋蛋汁一齊攪拌，再以薄脆紫菜包上，煙熏味濃郁，口感都唔錯。味噌松板豬|$34松阪豬肉質爽口彈牙，炭燒過後令到松阪豬串燒更加香，係好好食嘅串燒之一。