碗屋 (已結業)

第一次食呢種唔使自己畫紙，係叫店員落單嘅放題，起初覺得都幾唔方便，嗌得無平時食放題咁盡興（平時至少每樣黎十件啦😂），但好在漏單情況少，而且每樣熟食都係即叫即做，質素反而略勝一籌🤩 是晚被安排到坐吧枱位，望住師博係面前整鐵板燒，感覺真係唔似食緊放題😎🤪先黎每兩位送一客龍蝦刺身或煎龍蝦尾肉🦞刺身肉爽但說唔上鮮甜，煎龍蝦肉爽口而多汁，但份量較吝嗇🤔《 刺身 》與其每款刺身點幾舊，店員貼心地主動安排左艘刺身船⛵️ 食材新鮮肥美，尤其係吞拿魚更係入口即融，𝘌𝘯𝘤𝘰𝘳𝘦左幾𝘙𝘰𝘶𝘯𝘥🤤 甜蝦、螺片同八爪魚粒就較遜色，唔太甜～《 鐵板 》最值得叫嘅系列一定係佢哋嘅鐵板燒，除咗即叫即燒有鑊氣，質素更媲美貴價嘅鐵板燒🤩 「厚燒牛肉」半生熟，肉質細嫩無雪藏味👍🏻 帶子、燒蝦同樣鮮甜，比較特別係有「鴨肝多士」，唔怕膽固醇高真係可以食返夠本😂😋《 串燒 》大致上中規中矩😃 冇特別深印象 😀《 料理長おすすめ 》 最有誠意嘅菜式都雲集喺廚師精選，高推「海膽冷豆腐」，用上冷麵湯底浸住凍豆腐，免頭嘅海膽同豆腐融為一體，好似食緊豆腐花😋 全店唯一一款壽司「火炙左口魚」，濃郁魚油香，但係得一款壽司對飯控黎講小小悶～ 「厚