竹地小館 (已結業)

今日去了果欄買完生果返屋，經過這間餃子店，坐低食返碗餃子先返屋企。餃子有湯餃及煎餃，有8隻及10隻之分，女士8隻都好足夠，另外還有葱油麵及擔擔麵，$40樓下有交易。招牌菜肉餃餃子皮厚薄適中，粒粒都很飽滿，以新鮮椰菜及豬肉餡料做成，椰菜爽脆有肉汁。韮菜豬肉餃全部都即叫即煎，餃子外皮煎至金黃香脆，韮菜新鮮，充滿肉汁。排骨擔擔麵有一塊煎過的豬扒，肉質夠腍，擔擔麵充滿花生醬汁，不過完全無辣味，麵質略嫌較腍。飲品都是$8支。