8
1
3
等级1
2
0
即叫即焗牛角包之初體驗
2016-06-19 1214 浏览
每次經過依間法國餐廳都好想試，趁父親節就同屋企人試下啦！預先訂左位，加上冇咩人，我地一去到就有位座～ 喺酷熱天氣警告下，餐廳竟然冇開冷氣，但好彩一入到去店員即刻奉上冰水降溫！坐落又唔算太熱，再睇下餐牌，brunch set價錢合理，包牛角包，乳酪或橙汁，主菜，咖啡或茶，都好豐富！法國菜出名上菜慢，正當我同家人估緊依一餐要食幾耐既時代就有野食喇！第一次試原味乳酪加埋蜜糖既配搭，好味！蜜糖唔會過甜，最後我食晒果一小杯蜜糖！爸爸點左杯橙汁，應該係新鮮榨嘅，因為飲到有渣既。再等左一段時間牛角包終於上枱，大有驚喜！除左好特別用點心蒸籠上之外，個牛角包仲香噴噴，熱辣辣，熱到都拎唔到上手！食落好香濃牛油味，根本唔需要再加牛油，用外脆內軟黎形容就最貼切不過！一向唔好包類既我同爸爸都一致認為好好味！細問之下，知道原來牛角包係即叫即焗，難怪咁好味～之後主菜到喇，爸爸既凍肉併盤(套餐$168)有三種凍肉，三款都各具特色，不過我覺得最好食既當然係我最愛既parma ham啦～但始終覺得拼盤似係前菜多過主菜，於是爸爸單點再個燒羊架(單點$288)，羊架有三條骨，燒得剛剛好，仲鎖住肉汁，保持肉質鮮嫩，唔錯唔錯媽媽
更多
每次經過依間法國餐廳都好想試，趁父親節就同屋企人試下啦！預先訂左位，加上冇咩人，我地一去到就有位座～ 喺酷熱天氣警告下，餐廳竟然冇開冷氣，但好彩一入到去店員即刻奉上冰水降溫！坐落又唔算太熱，再睇下餐牌，brunch set價錢合理，包牛角包，乳酪或橙汁，主菜，咖啡或茶，都好豐富！
356 浏览
0 赞好
0 留言
506 浏览
1 赞好
0 留言
 法國菜出名上菜慢，正當我同家人估緊依一餐要食幾耐既時代就有野食喇！第一次試原味乳酪加埋蜜糖既配搭，好味！蜜糖唔會過甜，最後我食晒果一小杯蜜糖！爸爸點左杯橙汁，應該係新鮮榨嘅，因為飲到有渣既。
乳酪及蜜糖
111 浏览
0 赞好
0 留言
 再等左一段時間牛角包終於上枱，大有驚喜！除左好特別用點心蒸籠上之外，個牛角包仲香噴噴，熱辣辣，熱到都拎唔到上手！食落好香濃牛油味，根本唔需要再加牛油，用外脆內軟黎形容就最貼切不過！一向唔好包類既我同爸爸都一致認為好好味！細問之下，知道原來牛角包係即叫即焗，難怪咁好味～
牛角包
62 浏览
4 赞好
0 留言
 之後主菜到喇，爸爸既凍肉併盤(套餐$168)有三種凍肉，三款都各具特色，不過我覺得最好食既當然係我最愛既parma ham啦～但始終覺得拼盤似係前菜多過主菜，於是爸爸單點再個燒羊架(單點$288)，羊架有三條骨，燒得剛剛好，仲鎖住肉汁，保持肉質鮮嫩，唔錯唔錯
凍肉拼盤
$168
83 浏览
0 赞好
0 留言
澳洲羊架
$288
46 浏览
0 赞好
0 留言
 媽媽既煙肉沙律(套餐$128)就好一般，比較似平時菜餐廳食既早餐，可能我地平時食得比較清既關係，塊煙肉偏咸
煙肉沙律
$128
44 浏览
0 赞好
0 留言
 最後就係我點既法國芝士焗雞蛋餅(套餐$112)，見餐牌寫係必食推介就一於試下！果然不負眾望，芝士同蛋夾埋好煙“un”，亦唔會過咸，食完都唔會覺得好漏！
芝士蛋餅
$112
39 浏览
1 赞好
0 留言
 餐茶只得咖啡或茶，媽媽要加10蚊先有凍檸茶。咖啡唔錯，而其中一個我欣賞既位係伴隨既牛奶係熱架，咁就唔怕整凍杯咖啡或者令腸胃不適。值得一提既係咖啡可以無限添飲架，岩晒同三五知己慢慢傾~
餐飲 咖啡
43 浏览
0 赞好
0 留言
 整體黎講，食物同服務都唔錯，雖然冇開冷氣，店員經常幫你加水，又會問你食物岩唔岩口味，係一間值得再黎既餐廳。餐廳食物種類多，一個湯或者一個凍肉拼盤都可以係一個主菜，如果你唔肚餓既都可以試下，但如果你肚餓既話，建議可以點較為飽肚既意大利粉或者意大利飯

题外话/补充资料： 臨走時亦都見到有牛角包加咖啡既套餐($38)，杯咖啡同樣可以免費添飲架，非常抵食！
(以上食记乃用户个人意见 , 并不代表OpenRice之观点。)
  • 推介
    已推介
  • 检举
2 已推介
    张贴
    评分
    味道
    环境
    服务
    卫生
    抵食
    用餐日期
    2016-06-19
    用餐途径
    堂食
    人均消费
    $259 (午餐)
    庆祝纪念
    父亲节
    推介美食
    乳酪及蜜糖
    牛角包
    澳洲羊架
    $ 288
    芝士蛋餅
    $ 112