深燒酒 (已結業)

好耐無過深燒酒食晏 每個星期都轉款已經好鬼抵讚 仲要樣樣都咁好味真係離晒譜今日同媽子去食晏又有新驚喜先黎一個新菜式蝦醬炒飯，本來諗住好似出面舖頭咁係叉燒嗰啲做配料，點知包埋前菜飲品只需$61嘅餐，竟然又咁靚仔，淨係啲即炸紫蘇葉已經無得頂，啲蝦球大大粒，仲要起碼有十粒八粒，勁彈牙爽口，絕對唔係梅謝謝蝦仁！點解可以咁過份 連我媽唔鍾意蝦醬味嘅人都話好好味，大廚真係好嘢再黎一個媽媽至愛嘅脆爆咕嚕肉，睇相都知咩料味道酸甜適中，店員八俾我地知個醬係廚師自己教，同埋佢地唔止配菠蘿，仲有配三色柖同鮮果，你話點諗到一間以晚市燒烤為主嘅小店，點會有可能做到啲咁有水準嘅小菜，仲要係以一般餐廳嘅價錢就食到！所以晏晝過開灣仔銅鑼灣，我一定係揀佢，即叫即炒，鑊氣又夠，物超所值！