Nomad Burger (德民大廈) (已結業)

今日就同仔仔去咗 《Nomad Burger》， 街頭食漢堡包薯條。雖然天氣炎熱，但有個風扇仔吹住，我哋都覺得接受到， 當俾仔仔感受下街頭美食風味。佢地嘅漢堡包，由麵包餡料同醬料等，全部都係自選，真正隨自己喜好。今次我哋揀左安格斯牛肉、番茄、他他醬配生酮麵包， 生酮麵包唔係度度有得食， 減肥人士至愛， 個包好軟熟，安格斯牛夠厚有口感，番茄同他他醬都係我愛好， 即叫即整，熱辣辣好好食。另外當然有叫小朋友至愛嘅薯條， 大大條好粗身，唔使多講，仔仔當然食唔停啦。這裡嘅食品，全部即叫即整，用心製作， 如果想嚟食嘅真係要耐心等待， 但聽講遲啲會有外賣自取apps， 咁就可以叫定唔使等。