巷口炸雞專門店 (新都會廣場) (已結業)

行過新都會地下果層，聞到好香。於是買咗包醬蒜炸雞（細）食。佢係一個人做曬落單，炸野同包裝，再加上佢係即叫叫即整，所以要等好耐先有得食。佢嘅炸粉唔算厚，味道唔太咸。食落熱辣辣，脆卜卜，再加上淋咗汁，唔太乾。配上蒜頭食，味道更突出。鐘意蒜味嘅朋友必點。諗到醬蒜味，其實好有心思，因為炸物會產生致癌物質，而大蒜可抑制致癌物形成。所以唔健康得黎，又好似少啲內疚感。