Kinson Burger & Bar (已結業)

喺鰂魚涌模範邨附近 ，週不時都見到人頭湧湧，唔少上班族放飯都會周圍搵食。呢一間餐廳其實夜晚都好似會賣酒，都算係間酒吧，不過就未試過喺度飲酒，主要都係食晏比較多。不過我最欣賞佢係，所有食物都係即叫即整，不論羊架牛仔骨定意粉， 好多嘢都係即叫即煎或者即煮 。佢嘅burger都幾好食㗎，不過就整得比較耐，所以我比較多時間會叫意粉食，呢一個白汁菠菜三文魚意粉跟埋沙律，其實份量都唔細。而且白汁好creamy唔會太鹹，食得出應該係自己煮既醬，而唔係用即食嘅醬汁。加上菠菜嘅甜味同三文魚嘅香味，食落個意粉非常多汁，成件事好match 。同埋個沙律汁都幾好食，配埋沙律可以中和意粉嘅飽肚感覺，唔錯。