Aldou Cafe (已易手) 新餐厅

今日食lunch搵咗呢間cafe，店舖裝修別緻，環境優雅，非常適合happy friday過個愉快悠閒既lunch hour。Lunch menu有好多選擇，eg 沙律,小食，飯，意粉，漢堡，肉扒......大人細路都啱食。叫左個lunch set，包湯包飲品。侍應先上今日特色餐湯甘筍薑湯，配牛油小麵包。個湯好濃郁，好滑，飲多幾啖，薑味開始出黎，辣辣地，好開胃。望向廚房個邊，廚師細心咁即叫即整漢堡，等咗一陣，香噴噴既燒菠蘿烤雞芝士漢堡配薯條出爐喇。漢堡高高一個，餡料極其之多，烘烤過既麵包包住半融化芝士同烤雞，菠蘿，蕃茄同其他蔬菜，成個漢堡大過我既手掌有多。好想一大啖咬落去，不過太大啦，分開做細份d先。烤雞好厚好嫩，菠蘿鮮甜多汁，加上爽脆既蔬菜，稱得上係我食過既漢堡裏面出色既一個。最後嘆番杯玄米綠茶，滋味又養生。茶包裝滿炒過既玄米同綠茶葉，之後加水再沖多一杯都得。