鄰居 (已結業)

一間由三個年青人主理嘅漢堡店，座位不算多，不過不停有人黎攞外賣。 小店一定要支持下!Signature burger "鄰居"以$55價錢黎講係抵食之選，牛嘅肉係唔會鬆散嘅，無雪藏味，菠蘿夠fresh，多汁，酸酸簬令成個漢堡嘅味道提升左。不過就唔好期望有$100一個漢堡嘅juicy.拼雙色薯條係普通薯條及蕃薯薯條組合，薯條偏硬+反而蕃薯薯條外脆內軟，咬落仲有小小甜味，幾好幾好。雙層芝士牛肉漢堡由兩款芝士製成嘅雙層芝士，賣相不錯。對住係半芝士控嘅我覺得唔係好夠喉，可能係佢嘅洋蔥味太搶，相反芝士就不夠強烈。 如果可以再多啲芝士就好啦～椰漿雞翼食到淡淡椰味，皮夠薄，炸起亦不至於太乾身。