Mr & Ms Burger (已結業)

聖誕節限定Burger🎄相信好多女仔對聖誕節都有情意結係到，我都有，今日一見到有聖誕節限定，對眼變到識發光，好！事不宜遲！排隊！呢間Burger店開張都有一段時間，每次經過都有入去試下既衝動，但知道係即叫即做，而我平時食晏既時間只能快食，好難有得慢慢嘆，所以今日放假，終於可以試佢！佢問我地想坐低先定叫野食先，之後我話想坐低諗下，佢即刻安排我地坐低先，因為第一次黎唔知道叫野食方法，侍應好溫柔咁話：「買野食要係出面買㗎」(得！收到！即刻去)之後侍應送餐黎，我見個個都成份餐咁上，但我好受寵若驚咁佢淨係上個薯條俾我侍應話：「個包要等多陣，俾個薯條你食住先，怕凍曬。」服務好好，侍應細心，真心講句：「冇諗過係一間咁細既舖頭，侍應唔多，但可以感受到咁好既服務，真係好唔話得」登！登！登！登！我個金箔和牛漢堡出現喇！(金箔、和牛漢堡、好似有塊澳洲牛柳，個包如果冇記錯係墨汁包）見到都覺得有啲奢華我對於食漢堡好堅持！唔會分層食唔會切開食！我要一啖過咬曬咁多層好！我係失敗㗎！佢真係好厚！首先個包好鬆軟，但又食到佢烘到脆身既口感，先講個和牛漢堡真係幾香，但塊牛柳就略嫌太有咬口，令我咬唔開成塊扯咗出黎，不過整體係