以印象派畫家大師梵高做主題，由荷蘭取得專利授權經營嘅主題餐廳，門外已有落地大畫，十分耀目。
店內有各款產品，有花茶，朱古力，月餅，甜點，茶杯套裝，以及適合小朋友嘅故事書圖畫集填色薄。店內裝潢亦十分舒適。
Set lunch 係3 course, 沙律或湯，主菜，甜點及餐茶。
我哋order 左 煙三文魚凱撒沙律，蘑菇湯配松露；烤美國豬腰肉及香煎鱸魚，水果及香橙薑茶及茉莉花茶。
餐包軟熟，配上牛油香軟。沙律新鮮，口感豐富，煙肉及麵包粒香脆，配上爽囗羅馬生菜🥬，十分美味。湯香濃不膩，松露微香。
主菜豬腰肉彈牙新鮮，沾上黑醋汁夾上肉汁開胃惹味。鱸魚外皮煎得香脆可口，配上粟米及沙律菜味道相配得宜，十分清新。
水果分量十足，有奇異果，西瓜及哈密瓜。餐茶香滑，有消滯作用，為豐富一餐劃上完美句號。
