正宗印度餐廳及酒吧 (電氣道)

营业中

休息中

天后真係好多野食，有時想食重口味嘅嘢，就會去天后間正宗印度菜餐廳食印度野。印度調味料太多，所以好多時候都係亂點，唔知會係咩味。呢間餐前會送一份脆餅，配4種醬，黑色係甜嘅，深黃色嘅好辣，建議兩種醬配搭嚟食。paneer butter masala，$92呢個係奶油芝士，一塊塊嘅全部都係芝士，可能係第一次食咁多芝士🤣佢嘅味道同奶油雞嘅味道差唔多，不過雞轉做芝士，都幾好味，而且幾特別，唔辣，但帶有少少甜嘅咖哩，適合香港人食。naan，$18呢間嘅naan算好平，而且賣相好獨特，兩大塊鈎起身，好有特色，餅好香，配奶油芝士真係一流👍🏻孤獨美食家表示唔錯，環境都好舒服，總體黎講都幾滿意嘅一餐😌