影片
更多
2008-07-22
1 浏览
早幾日師傅淨係為左餐晚飯, 都真係諗到爆頭, 事關天氣非常炎熱, 加上身心都非常疲累, 所以好想搵間食店能夠坐得舒服, 食得開心, 最好就係從來都未試過啦, 無啦啦行到黎呢間商場, 順便睇下有咩食啦, 最後比師傅發現有間咁嘅食店, 於是決定一試!去到門口, 由於冇訂位嘅關係, 所以要等位, 但等位都唔緊要, 最重要係要等幾耐, 一問之下只不過係等一張枱, 絕對可以接受, 一於去馬!入到去發覺環境幽暗, 好似好有情調, 侍應安排坐底後, 師傅即刻睇下有咩好食先; 一睇之下發現好似樣樣都幾好味, 同友人商量左一陣後, 最後柯打左一客細嘅沙爹串燒, 細嘅牛尾湯, 細嘅印尼拼盤, 咖哩牛腩, 同埋煎印尼香鬆餅, 另加多兩杯飲品!等左一陣最先登場嘅係估唔到咁快嘅咖哩牛腩同埋煎印尼香鬆餅, 咖哩牛腩味道好香好濃, 加上少少辣, 確實惹味, 而牛腩就整得細細舊, 肉質鬆嫩加上好入味, 正呀; 而煎印尼香鬆餅就煎得好薄, 係油左少少, 配咖哩汁又真係好好味喎; 之後牛尾湯就拍住上, 實行整個雙牛會師傅, 牛尾湯好香好濃, 師傅略嫌咸少少添, 而牛尾就炆得好腍好入味, 幾好味!再黎就梗係印尼拼盤同沙爹串
去到門口, 由於冇訂位嘅關係, 所以要等位, 但等位都唔緊要, 最重要係要等幾耐, 一問之下只不過係等一張枱, 絕對可以接受, 一於去馬!
入到去發覺環境幽暗, 好似好有情調, 侍應安排坐底後, 師傅即刻睇下有咩好食先; 一睇之下發現好似樣樣都幾好味, 同友人商量左一陣後, 最後柯打左一客細嘅沙爹串燒, 細嘅牛尾湯, 細嘅印尼拼盤, 咖哩牛腩, 同埋煎印尼香鬆餅, 另加多兩杯飲品!
等左一陣最先登場嘅係估唔到咁快嘅咖哩牛腩同埋煎印尼香鬆餅, 咖哩牛腩味道好香好濃, 加上少少辣, 確實惹味, 而牛腩就整得細細舊, 肉質鬆嫩加上好入味, 正呀; 而煎印尼香鬆餅就煎得好薄, 係油左少少, 配咖哩汁又真係好好味喎; 之後牛尾湯就拍住上, 實行整個雙牛會師傅, 牛尾湯好香好濃, 師傅略嫌咸少少添, 而牛尾就炆得好腍好入味, 幾好味!
再黎就梗係印尼拼盤同沙爹串燒啦, 先講下印尼拼盤, 印尼拼盤有咖哩角, 蝦餅, 春卷同加多加多沙律, 咖哩角有兩件, 炸得好脆但就一d都唔油, 而餡就係d青豆蓉, 味道一流; 蝦餅都有兩件, 但唔知佢點整, 師傅只係覺得唔似蝦餅; 春卷就有四件仔, 一樣係炸得好脆, 加上餡係蘿蔔絲同芽菜絲, 份外爽口; 而加多加多沙律就係將d麻醬撈喺芽菜面, 味道唔得, 皆因好腥, 加上味道怪怪地, 師傅就唔鍾意喇!
而沙爹串燒就有六串, 豬, 牛, 雞各兩串, 其中以豬肉最好味, 肉鬆加上燒得又香, 唔錯, 而牛肉同雞肉就燒得比較乾身, 口感較韌, 但沙爹醬香香地, 微微辣, 都得喎! 兩杯飲品係紅毛丹冰同埋藍莓乳酪, 其中以藍莓乳酪較為好味, 清清地幾醒胃!
總括黎講食物質素唔錯, 環境舒服, 服飾都尚可, 但師傅覺得略嫌人手不足, 成日舉手都冇侍應埋黎, 價錢中價啦, 埋單比埋貼士加埋一, 都係三百五, 都可以啦; 其實師傅真係好少食印尼餐, 所以唔知呢間餐廳算唔算正中, 但係就幾好味; 值得一提係呢間食店唔會主動放抵杯水, 要問攞架! 下次有機會一定會再黎, 淨係個咖哩而經值得返轉頭啦, 笑臉走唔甩!
张贴
