手臂吧 (已搬遷) 新店位置

舖面舊式酒吧feel，乾淨企理，有得睇Now新聞台。餐廳位置在街口轉角，舖面清晰易認。員工推介厚切豬扒飯加餐飲凍奶茶，比起馳名厚切豬扒飯既新界北冰室，呢塊豬扒更加肥瘦適中。Sause方面，佢係燒汁同黑椒汁既混合體，食完唔口乾又有少少黑椒香味。另外，杯奶茶好滑，下次要試熱奶茶應該會仲好飲。最後想提一提，呢度員工親切有禮，抄牌會由老闆大聲提示，揸車黎食飯可絕對放心。呢幾日會響呢頭開工，明天可以再試其他美食。