影片
以上资料只供参考，请与餐厅确认详情
系湾仔工作廿多年. 当年的手臂吧系地下, 而且食物质素样样都好. 可惜后来执左变左另一间楼上铺, 食过一次就放弃了. 就系咁. 眨下眼过左十几年. 半年前比我路过酒吧街见到地下的手臂吧回归了.虽然同事话之前都有. 但地点比较近铜锣湾. 所以一直无留意.黎左数次. 每次食饭时间十二点半左右都唔需要等位. 但人越黎越多, 也是好事. 证明食物质素还可以.每日的午餐都系一个价$78 包主食. 餐汤同埋饮品一杯南瓜忌廉汤, 其实佢地的汤唔差. 有淡淡的南瓜味. 唔会好水. 同埋即叫即𢳂, 够热.主菜香煎珍珠带子磨菇鱼柳配薯菜. 除左薯菜外, 可以配意粉, 饭同沙律蛋. 个沙律都几特别. 会配整碎左的烚蛋. 同事话几好味. 重有加蛋黄酱.个鱼柳超级大份量. 食佢都够晒饱. 跟本唔驶再食意粉或者饭了. 鱼柳调味识中. 容易切开够新鲜唔会"梅". 再加埋个汁除左有珍珠带子,磨菇重有粟米, 咬落去都几有咬口.薯菜重会配左小小菜. 感觉无咁热气.
继续阅读