豬手工房

营业中

休息中

收工去食豬手工房，除咗意粉，其他食物質素正正常常。最唔好食既係芝土卡邦尼意粉伴63度温泉蛋，上到枱個醬汁太稀，水汪汪，好似變咗湯意咁。溫泉蛋就正常，但成個意粉好淡味，意粉好似茶餐廳質素，口感好淋，老人家都食到。香草牛油雞翼$68有5隻，外表睇落平平無奇，似用水烚熟晒雞翼，無牛油香味，但雞翼都有基本調味。香腸拼盤$188，加工食物，基本上唔會唔好食，以$188份量嚟講個人認為有d少。Pizza 正常質素，批底脆 ，用料都多既。整體嚟講性價比唔高，出面有餐廳/cafe質素好過佢，但呢到就坐得舒服，環境大，適合一大班人嚟傾計，但食物質素未如理想。