占士包點 (已結業)

德福廣場的美食廣場好多野食，今次試左呢間主力賣點心的。佢嘅點心有別於一般嘅傳統點心，有好多都有趣緻嘅樣。見到佢有點心拼盤嘅選擇，$52就有5個點心。其實哎嗰時都冇留意5款點心係咩嚟，因為見倒粒鮑魚燒賣，就覺得好吸引一定要哎來試。加咗錢換檸檬薏米水，一大樽好多薏米幾新鮮好飲。不過五個點心好快就食完啦，原來有兩個係包，感覺就比較普通，菇形狀嘅包，喺出邊都食過好多次就冇咩驚喜了。咸水角都ok，同酒樓嘅水準差唔多。黑色嘅蝦餃係幾特別，不過其實除番開每粒點心都要十蚊，唸唸下就好似有啲貴。不過可能因為佢display做得好靚呀，每一個點心有自己嘅竹籠，跟住仲有一個方盒裝住，好精緻，所以見到好多人都會嗌。我覺得攞嚟打卡或者同幾個朋友share都ok！如果想食得飽，就可能要再嗌其他嘢食啦！不過其實呢間占士都仲有好多好得意的點心～最特別係好多卡通樣貌嘅，例如有鹹蛋超人，蜜蜂，同angry Bird點心，如果有小朋友嘅見倒一定好開心！