東園金閣海鮮酒家 (已結業)

光顧晚飯，差不多九點到達，全店坐滿人，好似幾好生意，但九點就突然只剩幾客，原因不明。剛巧貴賓房有人大唱卡拉OK，水準就……房門成日閂唔實，又有人出出入入，聲音走晒出來，都幾擾人。食物OK，一桶雞是雞湯浸住雞塊，雞肉夠滑，鹹味適中，可以一吃。蒸魚條魚好大，肉嫩，蒸得唔老。菠蘿西芹炒鴕鳥肉一般，唔韌，但唔太美味。貴妃蚌新鮮，蒸得香甜可口。瑤柱白粥有大大條瑤柱絲，不過太稠。