養心殿台式養生鍋 (已結業)

一星期前打去卜位，原本卜8點，當晚放工遲，提早打去改8:30，店家話無問題會幫我哋hold枱，8:30準時人齊，個女人叫我哋等陣，有人埋單第一張大枱就係我哋，結果我哋等咗一個鐘，中間問咗佢幾次，都話無人埋單，忍唔住問佢：「你又話hold咗枱比我哋？唔係駛乜卜位呀？」個女人答：「我哋8:30埋單有七折，但客人唔埋我哋都控制唔到㗎。」原來佢根本無幫我哋hold枱！問佢咁仲要等幾耐？佢話答唔到，最後我哋成班白等一個鐘！咁嘅態度究竟係咪做生意？幾好食都無用啦！