壹食就醉 (裝修中)

之前係澳門食完卜卜蜆，就好想再喺香港食下，朋友就介紹左呢間，喺尖沙咀又幾方便有分唔同大小嘅鍋，我哋兩個人就揀咗個細嘅，都分量幾大，仲會落埋清酒去煮tim，食落味道幾清甜，唔使點太多調味料，都覺得好好味，而且所有蜆都會開晒，證明都幾新鮮之後就嗌咗佢哋呢度嘅招牌小菜，黃金蝦，雖然份量唔多，但每隻蝦都好大隻，肉質好彈牙，連埋鹹蛋黃醬炸到博博趣，爭啲連殼都食埋，因為用蛋黃整嘅關係食得多都會覺得濟，所以兩個人每人食到幾隻已經啱啱好怕熱氣嘅話可以嗌埋竹樜茅根只要like Facebook加埋upload相就可以免費飲㗎啦，幾清甜，又下火