三多 (已結業)

第一次食炸雞脾，所以比較唔到唔同餐廳既水準。但食完三多既炸雞脾，回味無窮。炸雞脾餐可以配薯條/沙律，跟汽水($49)。今次揀左沙律，冇咁熱氣。炸雞脾size大過手掌，外皮炸到好脆，咬到chopchop聲。雞肉炸完都冇變到乾身，仲好juicy好嫩滑。感覺上好似冇落炸粉(?)，所以塊皮薄，唔會食完好濟。真心覺得，炸完既雞脾，仲keep到肉汁肉滑，厲害。沙律有蟹籽，賣相味道都唔錯，食完炸野食番d蔬菜，冇咁heavy。不過個人覺得太多沙律醬，如果唔鍾意就叫少醬。整體，要食既話就要等，因為多人叫，而且炸都要時間，值等都值得。