因為今日係2011年最後一個工作日，要食餐好嘢開心吓慰勞吓過去一年嘅辛勞。
我哋都係為咗佢個好好味嘅包而黎架!
唔理有幾肥,食咗先慢慢做返運動啦,嘩哈哈……………….
食咗乜
我哋一人叫咗一個除夕特別餐..
南瓜湯
水汪汪咁,我唔係好鐘意,而且南瓜味唔夠
1
沙律
好味,食材新鮮,個DRESSING有啲柚子香味咁,好清新開胃,LIKE! 健康之選
白汁菇菇三文魚意粉
堅肥之選!!!!
唔知係咪節日特別餐嘅關係，份量比起平時個D餐係多咗，我真係食唔哂，個汁仲要係好杰好”滯”個種，唔LIKE!
事實上伴碟嘅先係我嘅主菜，件厚厚嘅包包依然係我鐘意嘅口感，味道，溫度，好開心呀!!!!!! 再配以一個奇異果作完結，正!!!
其實不如下次外賣包包，自己喺屋企嘆加杯香濃咖啡，應該會係一個好唔錯嘅假日早餐喎 ^^
服務得唔得
普普通通
值得一讚係佢哋嘅水係用當日不同嘅生果浸架,所以每次都會唔同味,我喺屋企都會效法吓架!!!
環境掂唔掂
得!!最鐘意有自然光嘅地方食晏,人都醒神啲 ~~~
