丸十あぶり牧場 (已結業)

星期日得閒無事, 在旺角行街街, 逛商場, 中午在旺角新世紀廣場醫肚, 我們來到一間叫”丸十”的日式餐廳,行街行到腳勊, 一入到店舖內, 侍祇即刻奉上熱的綠茶, 飲落有清香的綠茶味, 座得又非常的闊落, 令人感覺非常舒適. 我們兩人叫了個鐵板燒南部地雞及燒牛舌丼share來食, 燒牛舌丼都好快來到我們面前, 一片片厚薄適中的牛舌鋪滿了整個碗面, 底下是淋了醬汁的日本米飯, 最上面的碗中間有一箸沙律菜, 我們首先食咗D沙律菜,好爽口, 非常新鮮, 胃口亦都即時打開, 食一啖牛舌, 超級爽口, 咸咸地, 越嚼越香, 用來送這日本珍珠米飯, 真的是越食越想食, 好味道! 之後來了鐵板燒南部地雞, 上枱時, 鐵板上的醬汁仲吱吱作響, 雞肉無骨, 啖啖肉, 連雞皮都是煎到脆的, 非常香口, 好好食!