Honbo (已結業)

行到3樓有啲餓，見到呢間漢堡店，好似好懷舊咁，所以就去試下。🍴炸蠔漢堡入面有日式炸蠔、椰菜絲，炸蠔嘅吉列皮超脆，入面好軟有微微的腥味，可以接受，配上明太子他他醬，感覺清新。最值得一讚嘅係包皮，好軟好煙靭，微溫，回彈力又高。🍴素肉漢堡呢個漢堡有自製XO醬，所以會有啲辣，素肉扒質感完全唔似素，都好似真肉，另外有酸瓜、洋蔥、生菜，感覺更健康。🍴拉絲芝士條芝士條外層炸粉唔會太厚，食落拉絲，不過可能因為肥A攤凍先黎食，拉絲效果無好誇張。邪惡嘅食物係最好食。雖然疫情放緩，但餐廳嘅防疫衞生都做到好足，店員都以禮相待，感覺舒服放鬆