南苑海鮮酒家

营业中

休息中

朋友生日，我帶佢到元朗嘅酒樓食晚餐，叫咗炭燒乳豬嚟幫佢慶祝。乳豬上面仲有靚靚嘅皇冠，可以打卡影相，好有儀式感。乳豬嘅色澤烤到紅潤，皮脆肉嫩，遠遠就聞到乳豬散發嘅炭香味，香而不膩，油脂唔多，點埋乳豬醬一齊食，鹹鹹甜甜又酥香。跟住嚟元朗楊氏烏頭，一條有住兩種味道嘅楊氏烏頭，一邊鹹檸檬嘅味道，一邊豉汁嘅味道，令你可以一次過體驗兩啖唔同味道嘅魚。鹹檸檬嘅楊氏烏頭酸鮮爽口，唔單止去除咗魚嘅腥味，仲帶出咗鹹檸檬香醇，食落去非常開胃。豉汁嘅楊氏烏頭口感嫩滑爽口，豆豉嘅鮮香帶出魚肉嘅清甜，好啱送飯。最後嚟一碟臘味炒芥蘭，芥蘭炒起嚟依然清甜爽口，配埋臘味嘅鹹香味，口感層次非常之豐富，整體味道油香不膩，同好好食。