Amusement Eatery (已結業)

🇭🇰Hong KongAverage expense pp: HKD$400-500+📍Address: Amusement Eatery, Cheung Sha Wan環境都幾啱打卡，室外都有個area可以食嘢，室內都有塊牆好啱影相🤣🤣特色南美烤肉飯，好足料食落好有滿足感！將所有野撈埋一齊先食，肉一啲都唔un ，加上青醬係由墨西哥運過嚟嘅，墨西哥風味～飲品叫咗熱情果水果茶、菠蘿水果茶，兩杯水果茶有比到驚喜我因為飲落真係覺得好fresh、好清甜！即刨松露薯條，即刨薯條同平時啲冰鮮薯條口感好唔同，加上落松露一啲都唔手軟，睇相都見到滿滿嘅松露，相當滿足！蟹蓉忌廉芝士炸雲吞，原先以為會好heavy，食落發現完全唔會，大大粒雲吞入面好多料，問一問老闆之後發現原來啲芝士都係墨西哥運過嚟嘅！西班牙黑毛豬鞍，呢個好出色，慢煮18個鐘，肉質好嫩，輕輕一切就可以切開成塊豬鞍，煮得好入味。最後甜品🍮南美特色甜品係粟米芝士蛋糕，原先覺得會中伏，但食完感覺幾新奇，將粟米加咗入芝士蛋糕到，比想像中夾，相當有驚喜，可以一試