回到味來 (已結業)

今日朋友行完信和，三個麻甩佬都唔知去食乜好，經過新城大廈醒起有間放題，點知原來變咗回到未來火鍋私房菜，費事諗就一於試吓呢間啦新開嘅火鍋，入到去成個裝修格局都好新潮😊我哋係海鮮控，見到有個湯底係南瓜海鮮湯，幾特別喎就試吓啦咁大個仔都未試過南瓜湯打邊爐，個湯底一上枱南瓜味好香好清，不得不讚個海鮮拼盤都好新鮮啲蝦仲識郁㗎另外我哋仲問店員有啲乜嘢海鮮係靚㗎，今日返咗一啲馬貝，哇⋯⋯⋯⋯⋯大馬貝，竟然呢度有喎仲要聽說數量有限得返最後幾隻，海鮮控嘅我哋梗係唔放過佢啦如果想要靚海鮮原來仲可以之後提早打電話預留*咁我下次識做啦