CINCIN (已結業)

今日同朋友屯馬線一日遊，見攻略寫呢間餐廳啲野幾好食所以來試下。嗌咗個南瓜忌廉汁蟹肉露荀扁意粉同埋新鮮黑松露意大利飯配日本北海道海膽。原本以為呢個價錢個份量都會大少少，但係個意粉真係差少少。不過味道真係唔錯！蟹肉仲係原條拆出來嘅蟹肉，真材實料，唔錯！露荀都煮得好好，草青味唔重。佢個黑松露意大利飯一來到已經好香黑松露味，好吸引同埋啲海膽唔似出面超市個啲擺咗好耐嘅海膽，望落去都幾新鮮。通常白汁意粉或者飯都好漏，不過呢個飯一啲唔漏，好好味，個海膽都好新鮮，冇腥味。雖然價錢係貴咗少少，不過真係幾好食。