南洋麵屋 (已結業)

今日又黎到北角搵好東西食冇得去旅行，有點掛住新加坡既喇沙、海南亞同埋泰奶，見到有呢間南洋麵屋就太好喇，可以一次過滿足兩個願望！我地6點左右黎到，餐廳都未太多人，播住當年（唔暴露年齡喇）琅琅上口既流行曲；裝修亦幾有風格，碗筷同環境用番差唔多色Tone，感覺幾舒服。Menu上大部份主餐都係$58/$68, very nice! 咁又可以諗少樣野睇下有咩鐘意食。我地叫左個海南雞喇沙金邊粉同軟殼蟹撈麵，用半價追加個杯雪糕泰奶。海南亞喇沙湯底好濃，好滑好香椰奶味，夠晒重口味，配埋金邊粉好夾，每啖夾到都飲到湯。配料都幾多，有豆卜、蛋、魚片同海南雞。海南雞有5舊，全部去晒骨啖啖肉。雞好肥美嫩滑，配埋蒜蓉同酸辣醬更惹味，都唔洗再飲附送的清雞湯了。軟殼蟹撈麵份量就好多，配菜主要係芽菜、豬油膏同碎花生。味道方面當然唔會好似喇沙咁咁濃，但係主角軟殼蟹真係要讚下喇！軟殼蟹已經斬好左有4舊，除左炸得好香脆之外，炸漿都夠薄身，而且食到明顯的咸蛋味，又脆又Juicy. 唔錯唔錯。最有Surprise的是雪糕泰奶。本來以為是係普通嘅雲呢拿雪糕，點知原來係椰汁味雪糕呀！成件事同泰奶個甜味好夾好味！