Branto 印度素食餐廳 (已結業)

我極喜歡食印度菜, 全港大部份店都去過，印象中是大部份都水準相若，而菜式也是相近的北印度咖哩。我的印度朋友說南印與北印菜是不同的，我心想，都應該，就像中國南北菜都不相同啦，於是由他帶領去Branto南印素菜專門店試試。此店是在樂道上一樓的，地方飯堂feel乾淨咁啦，但菜牌不算便宜。我記得晚餐大約是六十元一位，可選一種似鬆糕的面包或者炸面團(有點似牛俐酥)咁上下的東西, 反而無naan bread，而素菜咖哩是以小盤上的，感覺不似北印的多油，但辣度更甚﹝本人喜歡辣﹞，試出來是名顯和北印菜不同。其中我記得有一種薯仔卷餅﹝唔記得印度文係乜﹞，都幾惹味的。最後，我叫了一個甜品，用奶加上好多好似福建面果種野來做的東西，都幾好味。南印菜似乎份量方面較少，我見前後左右都係食小盤果隻。我印度朋友說這間店是難得的正宗，因為他們在家中吃飯都是這樣的。據說這裏星期二中午有自助餐，但我星期二中午絕不就腳，可惜﹗