影片
更多
2011-01-11
51 浏览
久聞東來順大名，天寒地凍，更加令我想起其著名火煱。京菜當然亦是其最出色之作，觀乎大部份食家之食評便可以略知一二。大除夕午餐，與爸爸一行三人準備在尖沙咀一帶覓食，本想一試帝苑酒店既越菜，誰不知發現東來順中午原來亦有點心供應，這趟真係一個好好既機會黎過初試啼聲。雅緻既裝潢、陳設與及燈光均令人感覺舒適、閒逸，由起初只有兩、三枱客人至中午午飯時間差不多全滿，環境仍不覺嘈吵，加上伴著輕輕既中樂與及帝苑軒背面水池發出既流水聲，彷彿身處大自然進餐，心境異常平和。除東來順點心，帝苑亦特別讓客人有多個選擇，就係帝苑軒既廣東點心，對食客黎講可多嚐一個 Outlet 既美食當然無任歡迎，因而也覺帝苑酒店安排細心。無論東來順或帝苑軒既點心選擇都好全面，不單有點心、亦有厨味、蔬菜、甜品、炒粉麵等等，必可揾到啱心水既款式。東來順點心： 東來順雲吞：打正招牌東來順，當然要一試。湯底果然經精心餚製，嚐到骨頭精華之餘亦同時帶有雞香味，絶對唔係一般麻乎貨色，面再放點韮黃吊味。至於雲吞皮及饀料則沒有像湯底般既獨特之處，雲吞皮不簿也不厚，但亦沒有叫得難忘既質感；肉饀主要就是鬆鬆的包在雲吞皮裡面，沒有手琢肉既黏性及咬口，味道
大除夕午餐，與爸爸一行三人準備在尖沙咀一帶覓食，本想一試帝苑酒店既越菜，誰不知發現東來順中午原來亦有點心供應，這趟真係一個好好既機會黎過初試啼聲。
雅緻既裝潢、陳設與及燈光均令人感覺舒適、閒逸，由起初只有兩、三枱客人至中午午飯時間差不多全滿，環境仍不覺嘈吵，加上伴著輕輕既中樂與及帝苑軒背面水池發出既流水聲，彷彿身處大自然進餐，心境異常平和。
除東來順點心，帝苑亦特別讓客人有多個選擇，就係帝苑軒既廣東點心，對食客黎講可多嚐一個 Outlet 既美食當然無任歡迎，因而也覺帝苑酒店安排細心。無論東來順或帝苑軒既點心選擇都好全面，不單有點心、亦有厨味、蔬菜、甜品、炒粉麵等等，必可揾到啱心水既款式。
東來順點心：
東來順雲吞：
打正招牌東來順，當然要一試。湯底果然經精心餚製，嚐到骨頭精華之餘亦同時帶有雞香味，絶對唔係一般麻乎貨色，面再放點韮黃吊味。至於雲吞皮及饀料則沒有像湯底般既獨特之處，雲吞皮不簿也不厚，但亦沒有叫得難忘既質感；肉饀主要就是鬆鬆的包在雲吞皮裡面，沒有手琢肉既黏性及咬口，味道也是淡淡的。
糯米燒賣：
橈賣是以白色外皮包裹著，不像廣東燒賣的黃色。味道算不錯，尤其面放既香葱及配料、將糯米香味帶出，唯糯米有點過淋、唔夠煙韌係美中不足之處。
露筍野菌餃：
露筍及野菌均是清淡而健康既食材，同屬喜愛食材之一。可能因為材料砌得太細，咬落完全感受唔到露筍既香脆及野菌既獨特香味，雖然味道還算調較得宜，但卻失去了神韻。饀料包得比雲吞饀料更鬆，顯得更空洞，口感不太實在！
雞樅菌蒸魚頭：
看似平平無奇，頭一口除食出魚頭非常新鮮之外，並未能食出精髓所在。再用心細嚐，嚇然發現魚汁非常味美，麻辣味調較得異常出色，不是單憑死辣般去刺激味蕾，貴在能保存鮮魚及其他食味之餘，麻辣既香辣卻隨後隱若地慢慢滲透至舌頭前端，餘香恰似一口温純威士忌在喉嚨蘊釀的快感。而碟邊既小小雞樅菌因吸收了魚汁精華，非常野味，差點想來個白飯將汁盡吞。對食魚無數既爸爸也大叫讚好，還講笑說差在份量太少！
白芝麻卷：
此為飯後甜品。喜歡佢既卷皮質感，有少許似印度薄餅，皮上呈一個個圓形拱起狀，似是煎後或焗後空氣積存既樣子，但一點也不油，軟熟又帶韌度，頗特別的！白芝麻跟黃豆粉被卷在皮裡，不甜但香。食時最好用匙羮盛著吃，否則白芝麻同黃豆粉容易漏出！
帝苑軒點心：
鹹菜煮豬肚：
好味及新鮮之作。豬肚柔軟富彈性，明顯唔係雪藏貨，好久未有嚐新鮮豬肚了。湯底濃郁兼材料足，有白果、唐芹、鹹酸菜及紅椒，配撘夠野味。
淮山蒸雞扎：
較平日酒樓既雞扎較清、唔油膩。其實味道亦做到水平之上，不過除用料新鮮、雞肉細嫩之餘，只是無甚意外驚喜而已。
蜜燒豬頸肉：
原先打算點炭燒三層肉，可惜沽清，唯有要蜜燒豬頸肉。若以嚴格黎講，豬頸肉略為瘦削，可能選料以健康為大前題，所以肉質唔夠油潤，燒後亦唔算太香口，雖然蜜汁及醃料已充份滲透入肉內。
是此小試東來順點心雖未能得到一鳴驚人之感，但觀其突出之作，都經過細心烹調及精心選料，因此對其主打既火煱及菜式增添唔少既信心。翻過東來順既餐牌，最經濟既二人份量既火煱套餐 (海鮮)，不包括飲品、牛肉及加一，盛惠$700多元。若真的找到借口嘆一次超豪火煱既話，必會向大家分享。
张贴
