Shelly Cake Express

营业中

休息中

招牌豆腐芝士蛋糕 $60初嚐蛋糕有好濃郁嘅豆腐香，但芝士味唔太突出，食耐咗更會被消化餅餅底搶走豆腐味，略為可惜。質感上較厚實但濕潤度適中，伴以食用玫瑰花，入口添一分花香。55%朱古力心太軟配雲呢拿雪糕 $78心太軟流出醇厚黑朱古力醬，熱燙口感伴上冰涼雲呢拿玫瑰花雪糕，交替溫度差令人上癮，口腔充滿玫瑰香，乃驚喜之作。Mix版本袋裝手工曲奇 $65聽老闆娘講袋裝版係隨心mix，所以唔會有齊咁多款口味，當日佢mix咗4款比我，包括：法式牛油、燕麥雜莓、伯爵紅茶、特濃咖啡。伯爵紅茶味道最為突出，茶香餘韻飄香。其他口味就不過不失，如果可以濃郁啲會更好。