喜來稀肉 (登龍街)

回復晚市堂食之後都未帶屋企人出去食飯，佢哋話想食燒肉，所以就嚟食呢間好出名嘅韓式燒肉👌🏻

喜來稀肉除咗喺銅鑼灣有分店，尖沙咀同旺角都有，好容易book位。
三間分店都係前菜半自助形式，方便客人隨便添加，唔洗勞煩侍應，另外韓式包肉食嘅生菜同埋蒜片都可以任拎😝

其實肉類唔使嗌太多都好飽，因為燒盤隔離嘅蒸蛋都係任加🤣食side dishes都食到飽🤭
肉類嗌左牛肋骨肉、真雪花牛肉、濟州五花肉🥩

整體嚟講啲肉都幾好食，冇咩雪味，燒完再配埋佢嘅韓式燒汁同埋生菜包埋一齊食就好好味😋
每人最後仲有一支Melona雪條！好完滿！！