野玩山店 (已結業)

至前有去過野玩海店，食物，環境佈置，餐廳氣氛都好好，所以今日就去灣仔嘅野玩山店探探究竟，山店就位於軒尼斯道英皇大廈好易揾。(題外話)話說當日咁啱有個樓盆喺嗰邊發售，所以在大廈外，入口負手電梯都有好多好多積極賣力嘅售樓員，緊密跟尾派卡片，其實真係好危險，好怕會喺電梯發生意外，所以唔多唔少已影響食飯心情當正式入座後就有另一番心情，雖然餐廳裝飾未比海店特別開放式廚房，水吧，甜品，但也算空間大，坐位舒適，而且餐廳賣點有半自助晚餐，頭盆，沙律選擇亦多青口，煙三文魚，鴨胸，火腿樣樣齊仲不時添新同海山一樣咁出色嘅餐包甜椒忌廉湯，忌廉湯濃郁口感，有股椒味帶點微辣，但我就一般西冷牛扒拌紅酒汁，七成熟做得剛好，肉汁常存，肉味濃，可惜係底部茄子太油鐵板燒比目魚，非常厚切進入甜品範圍，選擇都多，但我已經太飽，所以只係食左啲水果